من ذاكرة التلفزيون تحكي الفنانة رجاء الجداوي عن سبب إنفصال والديها و بسبب اشتغال خالتها(تحية كاريوكا) راقـصة.
وكشفت رجاء الجداوي في لقاءها القديم ببرنامج ساعة صفا الذي كانت تقدمه الفنانة صفاء ابو السعود: فبالنسبة لهم كان شيء فظيع ان خالتي تستغل راقصة،فأبويا طـLـق أمي بينا إحنا الخمسة كان عندي ساعتها 3 سنين
واكدت رجاء الجداوي: خالتي إلى حد كبير اعتبرت نفسها مسؤولة عن اللي حصل فتكفلت بينا ، بس والدتي كنت ست عظيمة ، لغاية لما ىٓوفت كانت تفضل تقولنا أبوكم إسألوا عليه هتحتاجوه ، فكنا بنشوفه علي فترات
وأشارت رجاء الجداوي: في يوم من الأيام وأنا بعرض مسرحية الواد سيد الشغال جالي تليفون من حد معرفوش بيقولي إلحقي أبوكي تعيشي انتي ..حاولت أعيط معرفتش ، لأن العِشرة بتبني حاجات كتير أوي و البعد بيقىٓـ.ـل حاجات كتير أوي ..المهم روحت لأختي الكبيرة قلت لها بابا تعيشي انتي و جمعت إخواتي و خدنا عربيتي و طلعنا على الاسماعيلية
قالت رجاء الجداوي: واحنا راكبين العربية أختي إبتدت تعيط قلت لها استني متعيطيش من دلوقتي لما نروح هناك أكيد هيصوتوا و هنتأثر و نعيط كلنا ، المهم وصلنا تحت البيت لقينا الناس نازلين من العمارة عادي و مفيش أي حاجة ، محدش قالنا مثلاً البقية في حياتكم فاستغربنا أوي
صرحت رجاء الجداوي: طلعنا حْبطنا على الشقة فتحت لنا مراة أبويا أهلاً وسهلاً ببص وراها لقيت أبويا نايم بس دي نومة واحد عايش عادي
شرحت رجاء الجداوي: قالتلنا خير يا ولاد لابسين أسود ليه ؟ إتأكدنا بقى ساعتها إن مفيش حاجة ، قلنا لها مفيش إحنا كنا بنعزي هنا جنبكم و قلنا نعدي عليكم و نشوف بابا
أوضحت رجاء الجداوي: قعدنا معاهم وهو قابلنا و أهلًا يا ولاد و مش عارف ايه ، واحنا قاعدين ابتدا يجيلي تلغرافات تعزية ، لدرجة إن أبويا سألني هو إيه الحكاية ؟ قلت له بص بصراحة بقى في حد كلمني و قالي إنك بعد الشر مُـ..ـت ، قالي بيفولوا عليا ؟ قلت له بعد الشر ، قالي طب والنبي لو مُـ..ـت إدفىْوىْي جنب الحاجة قلت له لا الحاجة انت طلعت عيىْها خلاص ملكش دعوة بيها بقى
وتابعت رجاء الجداوي: المهم مسك فينا لحد الغدا ، و بعت جاب إخواتنا التانيين اتغدينا مع بعض ، أنا علاقتي حلوة باخواتي التانيين أوي وهما حنينين جدًا ، المهم اتلمينا و فضل يقولي سامحوني وانا زعلت أمكم كتير و حقكم عليا و اتغدينا ، و قال هريح بس شوية بعد الغدا ، و راح مـ…ـيت !!!
أضافت رجاء الجداوي: أنا ساعتها حسيت إني فقدت أب كويس جدًا، إن ربنا إداله الفرصة عشان يقول سامحوني يا ولاد ، عشان يجمّعنا ببعض عايزة أقولك إن لغاية النهاردة والله ما أعرف مين اللي إتصل بيا في التليفون..
