نشر الفنان تامر حسني عبر خاصية القصة على حسابه على موقع التواصل الاجتماعي انستجرام فيديو يؤكد خلاله على أهمية الصلاة.
وقال تامر حسني: والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي و كانت من أسباب وصولي لحلمي.
وطالب تامر حسني: تمسك بالصلاه أيا كنت بتعمل إيه و إوعى تقول ربنا مش هيقبل صلاتي و إوعى تصدق اللي يقولك كده إوعى تحكم إنت على ربنا و تشك في رحمته إنه مش هيقبل.
وأضاف تامر حسني: لا لااااااا دا غلط كبير ربنا أكرم و أرحم من ما تتخيل و مهما أي غلط بتعمله مسير صلاتك تخليك تقلل أخطاء و واحده واحده لحد ما تبقى في المسار السليم اللي برضو هيكون فيه أخطاء ولكن أقل ويتبعها إستغفار و تصدق و توبه حتى لو رجعت تاني لنفس الأخطاء و رجعت عاشر ومليون إرجع تاني و مليون لربنا و أطلب منه العفو و المغفرة.
أكد تامر حسني: المهم تخليه قدام عينك طول حياتك ،،، خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده بس إحنا لازم نقاوم النوع ده من الفكر ونفتخر إننا بنصلي و بنركع لواحد بس و هو الله سبحانه و تعالى و مهما علي شئننا و مهما عملنا ذنوب بنركع برضو و بنتوب و نستغفر و نشكره على كل حال و نطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه و النمله في جحرها و الطيور في السما.
يستعد تامر حسني لتنظيم حفله الغنائي خلال عيد الحب بجامعة عين شمس وجامعة حلوان حيث نشر البوستر الدعائي للحفل عبر حسابه الرسمي بموقع التواصل الاجتماعي «انستجرام»، وقال تامر : «جامعة عين شمس وجامعة حلوان حبايب قلبي إن شاء الله مستنيكم يوم 14 فبراير في يوم الحب ده أنا ههريكوا حب».
يذكر أن تامر حسني طرح أحدث أغنياته قبل أيام قليلة ديو غنائي مع الفنان رامي صبري «فعلا مبيتنسيش»، وهي من كلمات عمرو تيام، ومن ألحان شادي حسن، وتوزيع ماكس وماستر طارق توكل.
