كشفت الفنانة داليا البحيري عن معاناتها في صيف 2025.
وقالت في منشور على صفحتها على موقع التواصل الاجتماعي إنستجرام:”الحمد لله على كل شئ طبع لأننا لازم نحمد ربنا على كل حاجة وفي كل وقت:.
وكشفت داليا البحيري :”اللي يعرفوني كويس هيعرفوا أني من محبي شهر الصيف جدا بحب البحر والشمس والسمار ولمة العيلة وكل حاجة في الصيف جميلة حتى فاكهته، بس الحقيقة السنة دي كانت من أسوأ الصيفيات اللي عدت عليا في الساحل، يتخللها بعض اللمحات الجميلة مع العيلة وبعض الأيام الطيبة”.
وكشفت داليا البحيري :”للأسف كنت مضغوطة جدا كنت بعزل من بيت لبيت ,دي كانت حاجة مفاجأة مش مترتب لها عشان كده كنت مشدودة.
وشرحت : “مناعتي وقعت وبقالي 3 أسابيع عيانة جدا! جالي دور برد أو كورونا أو زي ما تحبوا تسموه، ولما ابتديت أخف شوية حسن جوزي اتعدى وتعب جدا! أكتر مني بكتير لدرجة أننا اضطرينا نروح مستشفى! وقعدنا 4 ساعات هناك في الديپ فريزير! تكييييييف عاااالي جدا جدا لدرجة كنا موجوعين من البرد”.
وتابعت داليا البحيري :”رجعنا من المستشفى وبعد أقل من ساعة كانت حرارتي طلعت تاني ورقدت ومن يومها وأنا مش بتحسن”.
ونوهت :”يكتمل السيزون برجوعي سايقة من الساحل وأنا تعبانة لاني كان عندي ارتباط مهم في القاهرة والكاوتش بتاع عربيتي يتفرتك ويطلع دخان ! بحمد ربنا أنه كان عند دخلة البوابات وماكنتش ماشية بسرعة. ده ستر ربنا الجميل”.
أشارت داليا البحيري :”باختصار كان صيف مشحون جدا بس برضو هفضل احب الصيف وأفضله… دعواتكم بقي أخف لأني استويت”.
أوضحت داليا البحيري: ” ملحوظة أنا مش بحب أعمل بوستات زي دي عشان أنا عمري ما كنت بتاعت صعبنيات …وكمان كان لازم اشكر رجال المرور اللي كلهم شهامة وساعدوني وركبولي الأستبن”.
