تحدث المهندس أحمد شعبان مؤسس والرئيس التنفيذي لشركة سيمبلكس المتخصصة في إنتاج ماكينات CNC تصنيع دوائر التحول الرقمي عن تحديات التصنيع موضحاً أن أبرزها يمثل الصيانة والدعم الفني.
وقال المهندس أحمد شعبان : احنا مش ملايكة وعندنا مشاكل وبنتاخر فى صيانات اه اكيد لان سبمليكس سنويا بفضل الله بتكبر 200% عن السنه اللى قبلها وده مش عندنا لوحدنا ودى مشاكل عادية بتحصل فى كل حته فى الكون سواء ماركات كبيرة او صغيرة او اين كان نوع الصناعه وده مش مبرر بالعكس ده حاجة انا فى كل مرة بطلع اعتزر عنها.
وأوضح المهندس أحمد شعبان : وفى المرة دى برده هقول انا اسف لكل عميل احنا بنتأخر عليه او بنسبب ليه ضرر بس فى اغلب الاحيان الموالمهندس أحمد شعبانضوع مش بيكون فى ايدنا احنا بنخزن قطع غيار تتخطى ال 20 مليون جنيه بس مستحيل هنقدر نخزن كل قطعه فى المكنه لانك كمان بتشتغل مع موردين من دول تانية ليهم سياستهم
وأكد مؤسس شركة سيمبلكس: وطول الوقت احنا بنحاول وبجتهد اننا نحسن من نفسنا ونشتغل على نفسنا عشان نطور ده وندى العميل افضل واحسن خدمة هو يتمناها لان فى النهاية احنا كلنا بنشتغل عشان ده والعميل هو صاحب اكل عيشنا كلنا
ولفت المهندس أحمد شعبان: لو انت عميل وخايف تشترى ده حقك طبعا بس خليك عارف ان simplex بايعه 9000 مكنه حاليا داخل وخارج مصر عندنا داخل الضمان بس جوا مصر اكتر من 1000 عميل وارد يحصل عندنا مشكلة مع عميل اكيد انا بس بحاول اوضح لحضرتك الحجم نفسه سمبليكس بفض الله وكرمه كيان فيه اكتر من 400 موظف فى 4 دول ب 11 مقر حاجة مفروض نفتخر بانها موجودة فى مصر ونساعدها ونساعد كل اللى شبها ونساعد كل اللى بيحاول يعمل ويخلق صناعه فى البلد
تابع مؤسس شركة سيمبلكس : انا معروف عنى ان حتى لو الناس اللى معايا عملت حاجة غلط او عميل مكنش مرضى او الناس عاندت مع العميل فى حاجة ووارد ده بيحصل وحتى لو حد نزل بوست انا بتصل بعتذر وبقوله امرك وبعمل اللى نفسه فيه وازيد وده مشهور عنى ويمكن ناس تشهدلى بده حتى مهما كانت التكلفة ودايما بقول العميل انا جزمتك فوق دماغى اول كلمة بتطلع منى .
