تحدث الفنان تامر حسني عن الانجاز الطبي الفريد من نوعه الذي حققه الطبيب المصري الشهير مجدي يعقوب كبير استشاري القلب في العالم العربي بتوصله لاختراعات دعامات للقلب بصوره طبيعيه تعمل من خلال خلايا الجسم والانسجة لتصبح بديلا عن الدعامات البلاستيكيه والمعدنيه بنمطها المعهود لتتغلغل التقنيه الجديده الى داخل الانسجه بنفس فعليه الدعامات التقليدية ، وأكد الفنان المصري اما انجاز الطبيب العالمي فريد من نوعه في العالم اجمع مشيرا إلى وجوب تلقيه التقدير الكافي باطلاق اسمه على اكبر ميادين مصر كهدية بسيطه تقديرا لاسهاماته الجليلة.
وقال تامر حسني عبر صفحاته الشخصيه بمواقع التواصل الاجتماعي : اللي ميعرفش … أولاً .. و أنا طفل كان عندنا درس في العربي إسمُه مجدي يعقوب عشان كان أول طبيب في العالم يعمل عملية زرع قلب و كانت تقريباً سنة ١٩٨٠ يعني الراجل ده أسطوره في عالم الطب من سنين كتيره مش من دلوقتي.
ثانياً … هذا الرجل الملاك وهب كل حياته لخدمة البشريه عارفين يعني إيه كل حياته لحظه بلحظه لخدمة البشريه لخدمة ولادنا لخدمة الإنسانية لخدمة الطب و كل دكاترة المستقبل.
وواصل حديثه النهارده دكتور مجدي يعقوب بيحقق كمان إعجاز طبي جديد بعد ٤٥ سنه من أول إنجاز يعني بصراحه الراجل ده أعظم رمز في العالم للنجاح و فضل ينجح و يتحدى نفسه لحد ما حقق معجزه طبيه مفيش ولا دكتور في العالم عملها إلا دكتورنا المصري العربي حاجه تشرف أوي حاجه عظيمه اوي الراجل ده لازم يبقى في شوارع و ميادين بإسُمه لازم يبقى ليه تمثال لازم يتعمله أكبر تكريم إنساني في تاريخ مصر و العالم كل الشرف و الفخر بإنك مصري عربي.
